Reunión para organizar a comida popular + batukada

Hola xente!

Recórdovos que hoxe reunímonos para constituír o grupo de traballo e empezar a organizar a comida popular+batukada.

A reunión será ás 20:00 na Praza do Concello, en Burela.

Calquera que queira aportar ideas e botarnos un cable á hora de plantear esta actividade será benvido. Incluso si non dispoñedes de tempo para realizar tarefas organizativas esta reunión é para aportar ideas e definir a actividade, polo que cantos máis nos podamos xuntar para aportar ideas mellor.

Graciñas a todos

Asamblea o Venres 26 Agosto. 20:00 en Burela (Praza do Concello)

Convocamos asemblea para hoxe, venres 26 de Agosto, ás 20:00h en Burela na Praza do Concello. Desculpade que confirmáramos o sitio con tan pouca antelación, pero como sabedes a data xa levaba posta desde a última asemblea

1. Informe do que se falou na última asamblea (6 Agosto, San Cibrao – Praza dos Campos)
• Apunte sobre que non se tomara acta. Necesidade de que a xente se comprometa a colaborar nas tarefas “administrativas”.
• Volcado de ideas para poder retomar as propostas interesantes que alí se falaran
2. Debate para organizar unha “cea popular, batukada e asemblea”
3. Proposta de consenso: Adhesión de indignadosamarinha á proposta “presno”, secundada ata o de agora por 42 grupos de todo o estado. Máis info en http://porlademocraciadirecta.org/
4. Turno de varios:
• Debate: Reforma “express” da Constitución española para incluír un límite ao défecit do estado. Posta en común de opinións, propostas ao respecto.
• Informe:  Voces Indignadas, revista do 15M editada por #acampadalugo. Transmítennos a posibilidade de colaborar aportando contido para a mesma.

NOTA: Este orde do día pode ser modificado ao dar comezo a asemblea para engadir calquera punto de importancia que se propoña. Os puntos propostos engadiránse no turno de varios, para evitar romper a dinámica da asemblea.

Arquivo Fotográfico

Estou empezando a facer un arquivo de fotos empregrando as galerías fotográficas do n-1. Agora mesmo hai unhas cantas da primeira vez que nos xuntaramos en burela (intento fallido de asamblea jaja, inda que ao final fixemos asamblea os poucos que estábamos) e unhas cantas tamén da 1ª asamblea, a do día 18 de xuño.

Podedes acceder ás galerías e ver as fotos na seguinte ligazón: https://n-1.cc/pg/photos/owned/group:504817

Entrevista en Radio Burela

Xa podedes escoitar e descargar ao extracto do podcast coa entrevista de Radio Burela a Antón Duarte, membro activo de Indignados A Mariña.

https://n-1.cc/pg/file/read/618013/entrevista-en-radio-burela

Acta da Asamblea do día 06/08/2011

Acta da Asamblea do día 06/08/2011

Praza dos Campos (San Cibrao)

Non existe acta escrita sobre esta reunión. A persoa que habitualmente toma as actas non podía facelo nesta ocasión e ninguén se encargou desta tarefa.

Ao parecer o número de asistentes era aproximadamente de 7 persoas. Consensuouse realizar a próxima asamblea o día 26 de Agosto, pero non se precisou o lugar. Decidirase e informarase do lugar empregando as canles virtuais.

Lamentamos non poder ofrecer máis información ao respecto

Lembrade que é importante que todos botemos unha man á hora de tomar as actas, moderar, etc. Non pode ser que o todo o traballo recaia sempre sobre as mesmas persoas, posto que se por algunha razón non poden realizalo esa tarefa queda sen facer.

Acta da Asamblea do día 23/07/2011

Acta da Asamblea do día 23/07/11

Área recreativa San Román (Ponte dos Santos)

Esta acta está feita de memoria por tres persoas que asistiron a asamblea.

Tras a acción da cadea humana da Ponte dos Santos, con unha asistencia de 200 persoas aproximadamente, decideuse realizar unha asmblea na que se quedaron a participar unhas 60 persoas (a ollo).

O primeiro que se decidiu foi a data da seguinte asamblea. Consensuouse programala para o sábado 6 de agosto en San Cibrao na praza dos Campos (praza nova) ás 20:00 horas.

Foi unha asamblea informativa na súa maior parte. Asistiron persoas residentes en Madrid e Sevilla vencelladas ós indignados das súas respectivas zonas. Aproveitaron as vacacións para participar na acción e compartir con nos na asmblea a súa experiencia.

Sobre a realización da cadea humana houbo autocrítica e opinións de todo tipo, sendo unánime o sentimento de éxito.

Houbo unha proposta que quedou no aire. Consistía en ir cada un o seu respectivo Concello e pedir información acerca do gasto público.

Distintas compañeiras informaron sobre a chegada da marcha do noroeste a Madrid pola A-6, a sentada na moncloa e a intención de alguns camiñantes de seguir ata Bruselas e Grecia.

O rematar a asamblea unha persoa de Vigo, relacionada ca iniciativa de banca ética galega coop57, deunos unha breve charla sobre banca ética. Explicounos as diferencias entre ésta e a banca clásica. Logo contounos o funcionamento de distintas bancas éticas como coop57, triodos bank e fiare.

Cadea Humana na Ponte dos Santos o 23 de Xullo

O 1 de xullo distintos grupos de indignad@s de todo o país comezaron unha marcha cara a Madrid, onde confluen o día 23 de xullo, para relembrarlle ós poderos@s as nosas reivindicacións.

O día 2 de Xullo, membros do grupo Asamblea Occidente Asturiano – Mariña lucense e membros do grupo Indignados A Mariña (cidadáns de a pé, coma ti e coma min) reuníanse en Asamblea en Burela. Nesta asamblea, alguén propón facer unha cadea humana na ponte dos santos para apoiar as marchas, e a proposta é acollida por unanimidade. Dende entón, varias persoas están a levar a cabo a labor organizativa e divulgativa, á cal queremos botar unha man desde este grupo con esta mensaxe coa que nos aderimos á convocatoria deste evento.

Compañeiros que marchades cara madrid, non estades sós!

Dende A Mariña e o Occidente Asturiano, apoiamos este acto con unha “CADEA HUMANA” que unirá ambas márxenes da Ponte dos Santos, sita na ría de Ribadeo e que une a comunidade galega coa comunidade asturiana.

Animámovos aos que podades a participar nela e correr a voz!

Lugar: Área recreativa de San Román (na beira asturiana da ponte) onde nos iremos atopando a partir das 15:00 horas para facer diferentes actividades relacionadas co evento. Algúns estamos planeando achegarnos coa comida e comer alí así que animámosvos aos que queirades a sumarvos e improvisar con nós un xantar popular entre todos.

Hora: A “CADEA HUMANA” formarase ás 19:00h.

Primeiros Pasos en n-1 para Indignados A Mariña

Como moitos saberedes (ou non XD) n-1 é unha rede social libre. Para evitar ter que escribir aquí unha reflexión persoal sobre o que me parece a ferramenta ou a súa utilidade, quixera limitarme a decir que é a rede social onde se esta empezando a organizar o groso do movemento a nivel virtual (inda que segue habendo moita info en outras redes/plataformas). Deixovos o enlace á rede, así como a varios artigos sobre a mesma para que podades coñecer un pouco máis sobre ela se vos interesa:

Dirección da rede social: https://n-1.cc

“N-1. la red social del #15M“, artigo publicado en bitelia.com

“Ventajas de usar N-1“, artigo publicado polo informatica.acampadabcn, que á súa vez é un subgrupo de AcampadaBCN (estos grupos están dentro da propia rede n-1)

Creo que entre estos dous artigos se resume bastante ben de qué vai n-1, de todas maneiras se buscades en google sairán bastantes artigos sobre o tema.

Tal que como se acordou na última asamblea e como integrante do obradoiro de novas tecnoloxías púxenme máns á obra e creei un grupo na rede n-1 para indignados a marinha. Todo aquel que queira participar está invitado a rexistrarse na rede n-1 (se non estades rexistrados xa) e unirse ao grupo indignados a mariña. De momento solo hai un membro e simplemente me estou dedicando a intentar xuntar toda a información posible (textos, fotos, videos, enlaces a artigos, etc) no grupo para que a xente, a parte de poder empregalo como medio para comunicarnos entre nós, o poda empregar como nodo para informarse sobre o grupo e as súas actividades.

A nivel persoal, estou disposto a botarlle un cable a todo aquel que o queira para introducilo ao uso desta rede. Iso si, como condición poño que o contacto e a forma de comunicarnos sexa a través da rede (email, facebook, twitter, comentarios neste blog, chat ou o que queirades) simplemente porque creo que esta revolución debe ser levada á rede, e ademáis de aprender a comunicarnos físicamente nas asambleas etc creo que sería interesante que todos fixeramos un esforzo para que esa comunicación poda establecerse de forma constante na rede. Porqué? Pois porque sería o medio idóneo para tomar decisións a niveis xeográficos moi amplos (nacional ou autonómico, por exemplo). Hai que ter en conta que a superestructura mediante a cal executar esa toma de decisións está por definir, pero inda así creo que coincidiredes comigo en que será necesario comunicarnos pola rede para poder coñecer as opinións de calquera que queira aportar algo e esta nova sociedade que estamos intentando definir.

Acta da Asamblea do día 13/07/2011

Acta da Asamblea do día 13/07/2011

Praza do Souto (Cervo)

Ábrese a cuarta asamblea na praza do Souto en Cervo, coa friolera de 6 persoas (achegándose durante a mesma 4 persoas mais). Durante a asamblea trátase o seguinte:

• A pancarta creada polo obradoiro de divulgación foi recuperada por dous compañeir@s. Decidiuse situala na ponte do paso do tren preto de Xove, habendo xa voluntarios para colocala. Tamén se propuxo facer máis pancartas.

• Houbo consenso en facer a vindeira asamblea o sábado 23 de xullo na área recreativa de San Román (Arnaú), coincidindo ca xuntanza previa a cadea humana.

• Informouse sobre o 3º foro galego de interacampadas, que será o 6 de agosto en Lugo. Acordamos tratar este punto na seguinte asamblea.

• Houbo consenso en crear un perfil de indignadosamarinha na páxina www.n-1.cc (rede social libre).

• Contamos coa presencia dunha persoa da asamblea do barrio de Carabanchel (Madrid) pertenecente ao grupo de traballo de asistencia social. Informounos da situación nesas latitudes.

• Houbo consenso en facer grupos para pegar os carteis informativos da cadea humana. Ainda así pódese descargar, imprimir e pegar.
• Creouse un grupo de traballo de realización de pancartas para a acción da ponte dos Santos. Xuntarémonos o mércores para a creación destas e para falar sobre o transporte á ponte dos Santos o día 23. Se alguén está interesado en asistir a ponte dos Santos (cadea humana) que contacte con nós antes do mércores.

• Propúxose facer unha crónica da acción da ponte dos Santos para poder difundila pola rede.

• Creouse dentro do obradoiro de divulgación un grupo dedicado a informar nos mercados. Quedou en consenso comezar cos preparativos o seguinte luns e o martes como primeiro día de divulgación no mercado en Foz.

• Un compañeiro comprometeuse en mandar un comunicado a radio Burela sobre a esistencia do noso blog.

• Propúxose que a parte de pegar carteles de convocatorias de asambleas na rúa e nas tendas, tamén colocar esta información en pancartas nos balcóns.

Acta da Asamblea do día 02/07/2011

Acta da Asamblea do día 02/07/2011

Praza do Concello (Burela)

            Reunidas arredor de 18 persoas ábrese a sesión. Ao longo da mesma achéganse máis asistentes, chegando a ser mais de 35 persoas.

Ábrese a sesión informando da acta da asamblea anterior e do cambio do blog a wordpress (indignadosamarinha.wordpress.com).

Contamos coa asistencia de compañeiras do grupo asamblea ciudadana occidente asturiano-mariña lucense. Este grupo ven organizando asambleas en diferentes pobos da costa ( Navia, Vegadeo, Ribadeo,  Foz…) nas que se crearon, como en outras asambleas, grupos de traballo que están funcionando. Informaronnos das seguintes accións previstas:

• Movemento contra a creación dunha mina de ouro (ultracontaminante) en Tapia de Casariego. A Asamblea consensúa apoiar esta acción.
• Reparto dunha carta destinada a informar e implicar á xente, da que nos leron o borrador.

Propostas da Asamblea:

• Invitar a colectivos xa formados a unir esforzos e experiencia con nós.
• Centrarse no local a demais do global . “Pensa global actúa local”
• Ir aos concellos preguntar si publican as actas dos plenos municipais en internet. Si non o fan pedirlles que o fagan.
• Ir aos mercados poñer un posto de información. Proponse repartir a carta nomeada anteriormente.

Consensos:

• Facer charlas temáticas sobre temas de interés. Propúxose facer unha de Banca Ética (corto prazo) e outra de Reforma Constitucional (longo prazo). Non houbo consenso no lugar, se facelo nas prazas ou contar con institucións públicas.
• Decidiuse delimitar o ámbito físico de traballo co grupo asamblea ciudadana occidente asturiano-mariña lucense en duas asambleas intinerantes por motivos de transporte(económicos-ecolóxicos) e de operatividade. Unha abarcaría Occidente de Asturias e a Mariña Oriental (ata Foz incluido) e a outra a Mariña Central e Occidental. Acordouse facer unha asamblea conxunta con certa periodicidade.
• Acordase realizar unha cadea humana na Ponte dos Santos o Sábado 23 de Xullo ás 19:00h. , coincidindo esta actividade coa chegada das marchas a Madrid dende diversos puntos da península. Faranse actividades previas como un xantar popular na area recreativa de San Román (Punto de encontro), actividades lúdicas e divulgación no entorno. Tamén se farán pancartas para colgar na ponte, cada un a libre elección. Tamén se decidiu celebrar unha asamblea ó finalizar a cadea humana. Propúxose a divulgación deste acto en prensa, ainda que ninguén se comprometeu a levalo a cabo, e a creación dun grupo de Facebook adicado exclusivamente a este tema, sen que houbera consenso.
• A próxima asamblea será na Praza do Souto, Cervo, o Mércores 13 de Xullo ás 18h.

Remata a asamblea ás 22:40h. Despois da asamblea procedeuse a colgar unha pancarta creada por un grupo de traballo formado na asamblea anterior (Obradoiro de Divulgacion).